2026-yil 13-aprelda Londonda Ipak Yuli Bank Yevropa tiklanish va taraqqiyot banki (YTTB) bilan Savdo ko'maklashuv dasturi (Trade Facilitation Programme, TFP) doirasida kelishuv imzoladi. Imzolash natijasida Ipak Yuli Bank tasdiqlovchi bank maqomini oldi.

Dasturga qo'shilish bank mijozlariga YTTB ko'magi bilan hujjatlashtirilgan biznesning zamonaviy vositalaridan — akkreditivlar va bank kafolatlaridan — foydalanish imkonini beradi. Bu xalqaro savdoni moliyalashtirish sohasidagi imkoniyatlarni kengaytirish va bank mijozlarining tashqi iqtisodiy faoliyatini rivojlantirishga xizmat qiladi.

«YTTB bilan kelishuv imzolash savdo moliyalashtirishni rivojlantirishda muhim qadam hisoblanadi. Bu bizga mijozlarga xalqaro hisob-kitoblar uchun yanada ishonchli va raqobatbardosh yechimlar taklif etish imkonini beradi», — dedi Ipak Yuli Bank Boshqaruv raisi o'rinbosari Forrux Isxakov.

Bunday yechimlar qatorida — Tradeloan va faktoring, xalqaro shartnomalar bilan ishlashda va aylanma mablag'larni muzlatib qo'ymaslikda biznesga yordam berayotgan savdo moliyalashtirish vositalari mavjud. Tradeloan muayyan shartnoma doirasida xorijiy hamkorlar bilan o'z vaqtida hisob-kitob qilish imkonini beradi, faktoring esa mijozdan to'lovni kutmasdan — tovar jo'natilgandan so'ng darhol hisob summasining 100% gacha olish imkoniyatini taqdim etadi. YTTB tasdiqlovchi banki maqomi bu vositalarni yanada ishonchli qiladi va biznesga xalqaro savdoning keng imkoniyatlaridan foydalanishga yordam beradi.