Keshbek har kuni

Keshbek — bu bank xaridlaringiz uchun sarflagan mablag‘ingizning bir qismini sizga qaytarib berishidir. Agar siz Ipak Yuli Bank’ning Visa kartasi orqali savdo nuqtalaridagi POS-terminalda (kafe, do‘kon, dorixona, AYoQSh va boshqalar) yoki onlayn tarzda (marketpleys, sayt, obuna va hokazo) to‘lov qilsangiz, har bir xaridingizdan 0,5% keshbek olasiz. Keshbek avtomatik tarzda yig‘iladi va muddatsiz saqlanadi. (Istisno: karta qayta chiqarilganda keshbek summasi nolga tenglashtiriladi) 

Masalan

    Kafeda 500 000 so‘mga tushlik uchun to‘lov qildingiz — 2 500 so‘m qaytadi

    1 200 000 so‘mga oziq-ovqat xarid qildingiz — 6 000 so‘m qaytadi

    300 000 so‘mga yoqilg‘i oldingiz — 1 500 so‘m qaytadi

Qaysi kartalarda keshbek mavjud 

Keshbek 4 ta kartada mavjud. Shuningdek, har bir karta undan qanday foydalanishingizga qarab o‘ziga xos afzalliklarga ega. 

Keshbekni faollashtirish uchun

1. Ipak Yuli Mobile ilovasini oching

2. “Kartalar va hamyon” bo‘limiga o‘ting

3. Visa kartaningizni tanlang

4. Ekranni pastga suring

5. “Keshbekni faollashtirish”ni bosing

Yig‘ilgan keshbekni qanday ishlatish mumkin? 

Keshbek Ipak Yuli Mobile ilovasidagi virtual hisobda jamlanadi. Oyiga maksimal 5 mln so‘mgacha yig‘ish mumkin. Keshbekni istalgan vaqtda yechib olishingiz mumkin — mablag‘lar avtomatik ravishda xaridlarni amalga oshirgan kartangizga tushadi.

Keshbekni qanday yechib olish mumkin: 

1. Ilovani oching va kartangizni tanlang.

2. «Chiqarib olish» tugmasini bosing.

3. Summani kiriting.

4. O‘tkazmani tasdiqlang.

5. Karta balansini tekshiring — mablag‘lar darhol tushadi. 

Hisoblash muddati 

Keshbek to‘lovdan keyin darhol hisoblanmaydi. 

Karta orqali to‘lov qilganingizda, operatsiya avval tekshiruv bosqichida bo‘ladi. Mablag‘lar sotuvchiga darhol o‘tkazilmaydi — bank to‘lovni ko‘rib chiqadi. 

Tekshiruv jarayonida bank quyidagilarga ishonch hosil qiladi: 

• kartada yetarli mablag‘ bo‘lganiga

• savdo nuqtasi to‘lovni to‘g‘ri qabul qilganiga 

• operatsiya haqiqiy ekaniga va xatolik emasligiga 

Tekshiruv yakunlangach, to‘lov tasdiqlanadi va shundan keyingina keshbek hisoblanadi. 

Odatda bu jarayon 3–5 kun davom etadi, shu sababli keshbek biroz kechikib tushishi mumkin. Agar to‘lov muvaffaqiyatli o‘tgan bo‘lsa, keshbek bir necha kundan so‘ng avtomatik tarzda hisobingizga o‘tkaziladi. 

Qaysi operatsiyalarga keshbek tushmaydi 

   • Kartalar orasidagi pul o‘tkazmalari 

   • Naqd pul yechish 

   • Bankomat orqali amalga oshirilgan amaliyotlar 

   • Valyuta ayirboshlash va onlayn konversiya operatsiyalari 

Visa kartalari bilan to‘lang, keshbekni avtomatik tarzda to‘plang va istalgan vaqtda ilova orqali yechib oling. Har bir kuningiz, har bir to‘lovingiz foyda keltiradi.

*Kuniga 2 ta safar uchun yo‘l haqi qiymatining 50% qismi keshbek sifatida qaytariladi — har bir safar uchun 850 so‘mdan. Har bir safar uchun hisoblanadigan maksimal keshbek miqdori 2 000 so‘mni tashkil etadi. Keshek yechib olish uchun minimal summa - 50 000 so‘m. Keshbek olish uchun avvalgi kalendar oy davomida kartadan kamida 500 000 so‘m miqdorida xarajat qilingan bo‘lishi kerak.