Depozit qutichalar
Depozit qutichalar qanday foydalanish mumkin
Depozit qutichalari haqida batafsil ma'lumot
Depozit quticha (keyinchalik quticha) — mijozlarga qimmatbaho narsalar: pul, qimmatli qog‘ozlar, buyumlar va hujjatlarni saqlash maqsadida beriladigan bankdagi seyfdir.
Qutichalar bankdagi maxsus saqlash joyida joylashgan bo‘lib, bu ularni ruxsatsiz aralashuvlardan ehtiyot qiladi.
Qimmatbaho buyumlarni seyfda saqlash to‘la maxfiylikni ta’minlaydi. Chunki bank seyfda saqlanadigan mol-mulkni tekshirmaydi va uning sir saqlanishini kafolatlaydi. Shu bilan birga mijozni bank qutichasida saqlanishi taqiqlangan predmetlarni qutichaga qo‘yish mumkin emasligi haqida ogohlantiradi.
Depozit qutichasini ochish jismoniy va yuridik shaxslar uchun ham mavjud.
| Qutining balandligi | Oyiga narxi QQS bilan |
| 50 mm | 75 000 so‘m |
| 75 mm | 75 000 so‘m |
| 125 mm | 100 000 so‘m |
| 175 mm | 125 000 so‘m |
| 300 mm | 175 000 so‘m |
| Depozit yacheyka kalitining yo‘qolishi/buzilishi* | 2 000 000 so‘m |
Depozit qutichalar mavjud bo’lgan filiallar ro’yхati:
1. Amaliyot Boshqarmasi
Manzil: 100017, Toshkеnt shahri, A.Qodiriy ko’chasi, 2 uy
Mo’ljal: oldingi Yulduz Bouling (Yulduz fabrikasi)
2. Mirzo Ulugbеk filiali
Manzil: 100000, Toshkеnt shahri, Х.Olimjon ko’chasi, 5 uy
Mo’ljal: NUR rеstorani
3. Mirobod filiali
Manzil: 100015, Toshkent sh., Mirobod ko‘chasi, 25
Mo’ljal: "Premier Hall" kinoteatri
4. Shayхontoхur filiali
Manzil: 100021, Toshkеnt shahri, Shayхontoхur tumani, Navoi ko’chasi, 25 uy
5. Navoiy filiali
Manzil: 220100, Navoi shahri, Mеmorlar ko’chasi, 18 uy
6. Andijon filiali
Manzil: 170100, Andijon shahri, Istiqlol ko’chasi, 35 uy
7. Fargona filiali
Manzil: 150117, Fargona viloyati, Fargona shahri, Komus ko’chasi, 26 uy
Bank kartada
Kreditlar haqida bilish muhim
Bank kreditini rasmiylashtirishda nimalarga e’tibor berish kerak
Kredit olishdan oldin asosiy jihatlarni baholang:
- Foiz stavkasi va to‘liq qiymati — faqat asosiy stavkani emas, balki barcha komissiyalarni o‘z ichiga olgan to‘liq kredit qiymatini ham solishtiring.
- Summa va muddat — faqat kerakli miqdorni va sizga qulay muddatni tanlang, to‘lov daromadingizning 40–50 %idan oshmasligi kerak.
- Ta’minot — garov yoki kafil bo‘lmasa, stavka yuqoriroq bo‘ladi, ammo rasmiylashtirish osonroq.
- Olish va to‘lash usuli — mobil ilova orqali onlayn boshqarish eng qulay.
Mutaxassislarimiz har doim sizga hisob-kitob qilish va aynan sizga mos variantni tanlashda yordam berishga tayyor.
Kreditni to‘lamaslikning asosiy oqibatlari
Qarz miqdorining oshishi: Muddati o‘tgan qarzdorlik summasiga jarimalar, penyalar va foizlar hisoblanadi. Natijada umumiy qarzdorlik miqdori ortadi.
Mol-mulk va bank hisobvaraqlaridagi mablag‘larga undiruv qaratilishi: Bank sud orqali yoki ijro ishi doirasida qarz oluvchining bank hisobvaraqlaridagi pul mablag‘lari hamda shaxsiy mol-mulkiga undiruv qaratish huquqiga ega. Agar mol-mulkni sotishdan tushgan mablag‘ qarzni to‘liq qoplash uchun yetarli bo‘lmasa, qarzning qolgan qismini to‘lash majburiyati qarz oluvchining zimmasida qoladi.
Kafillar va garovga qo‘yuvchilarning javobgarligi: Agar kredit bo‘yicha garov yoki kafillik rasmiylashtirilgan bo‘lsa, qarzni to‘lash majburiyati kafillar yoki garovga qo‘yuvchilar zimmasiga yuklatilishi mumkin. Bunday holatda ular to‘langan summani asosiy qarz oluvchidan qaytarishni talab qilish huquqiga ega.
Mamlakatdan chiqishga cheklov qo‘yilishi: Sud yoki davlat ijrochisining qaroriga asosan qarzdorning O‘zbekistondan chiqish huquqi vaqtincha cheklanishi mumkin.
- Kredit tarixining yomonlashishi: Muddati o‘tgan to‘lovlar haqidagi ma’lumotlar kredit byurolariga yuboriladi. Bu kelgusida yangi kreditlar yoki bo‘lib to‘lash imkoniyatidan foydalanishni qiyinlashtirishi yoki imkonsiz qilishi mumkin.