Hurmatli mijozlar, sizlarga 2022-yil 15-avgustdan boshlab jismoniy shaxs bo`lgan mijozlarga xizmat ko‘rsatish qoidalariga kiritilgan o‘zgartirishlar haqida ma’lum qilamiz:

 

1.Hisob-kitob hisobvaraqlariga pul mablag‘larini o`tkazish va valyuta ayirboshlash operatsiyalarini amalga oshirish bilan bog‘liq operatsiyalarni amalga oshirishda pul mablag‘larining kelib chiqishi qonuniyligini tasdiqlovchi hujjatlarni taqdim etish va bevosita bank filiallari orqali quyidagi operatsiyalarni amalga oshirish talab etiladi:

- rezident jismoniy shaxslar tomonidan 30 kun ichida chet el valyutasida 100 ming AQSh dollaridan ortiq ekvivalentda amalga oshirilgan operatsiyalar;

- norezident jismoniy shaxslar tomonidan 30 kun ichida chet el valyutasida 10 ming AQSh dollaridan ortiq ekvivalentda amalga oshirilgan operatsiyalar.

 2.Norezident jismoniy shaxslarning hisobvaraqlaridan bir oy muddatda 10 ming AQSH dollari ekvivalentigacha bo‘lgan miqdorda naqd xorijiy valyutani yechib olishga cheklovlar o‘rnatiladi;

 3. Bankning Mobil ilovasini roʻyxatdan oʻtkazish va boshqa mamlakatlardagi mobil operatorlar raqamlariga Ipak Yoʻli Mobile’da hisob raqamlarini identifikasiya qilish oʻchirib qoʻyiladi;

 4. Boshqa mamlakatlar mobil operatorlari raqamlari bo‘yicha ro‘yxatdan o’tgan amaldagi mijozlarga “Ipak Yo‘li” mobil ilovasidan (va bank saytidagi Shaxsiy Kabinetdan) uzilib qolmasligi uchun Mobil ilovadagi ro‘yxatdan o‘tish raqamini 2022-yil 1-sentabrgacha bo‘lgan muddatga raqamni o‘zgartirish tavsiya etiladi;

 5.Jismoniy shaxslar tomonidan har kuni 5 ming AQSH dollari ekvivalentida chet el valyutasini sotib olish (onlayn konvertatsiya) boʻyicha cheklov oʻrnatiladi.

 6.Bankning mobil ilovasi foydalanuvchilari uchun mavjud valyuta juftliklarini: USD-EUR-USD, USD-GBP-USD, USD-RUB-USD va boshqalarni onlayn konvertatsiya qilish uchun quyidagi tartibda limitlar oʻrnatiladi:

 - rezident jismoniy shaxslar uchun - 30 kun ichida 100 ming AQSh dollaridan ko'p bo'lmagan ekvivalentda;

- norezident jismoniy shaxslar uchun - 30 kun ichida 10 ming AQSh dollaridan ortiq bo'lmagan ekvivalentda.