Ipak Yo‘li Banki Visa bilan hamkorlikda seminar o‘tkazdi. Unda korporativ kartalar yordamida moliyaviy jarayonlarni zamonaviylashtirish va samarali boshqarish bo‘yicha yangi imkoniyatlar muhokama qilindi. Visa Commercial Solutions direktori Kuanysh Tankiyev korporativ kartalarning biznes uchun strategik afzalliklari haqida batafsil ma’lumot berdi.

Ushbu seminar Bankning korporativ mijozlarga xizmat ko‘rsatishni yaxshilash va xodimlar o‘rtasida kross-sotuvlarni rivojlantirish strategiyasining muhim qismi bo‘ldi.

O‘zbekistonning barcha hududlaridan tashrif buyurgan korporativ bo‘lim mutaxassislari nafaqat ilg‘or bilimlarga ega bo‘ldilar, balki korporativ kartalardan maksimal darajada samarali foydalanish bo‘yicha aniq tushunchalarni ham oldilar.