Ipak Yuli Bank xalqaro Global SME Finance Awards 2025 tanlovining final bosqichi ishtirokchisiga aylangani haqida sizlarga mamnuniyat bilan xabar beramiz. Ushbu mukofot bilan har yili butun dunyo bo‘ylab kichik va o‘rta biznesning rivojlanishiga hissa qo‘shgan eng yaxshi banklar va moliyaviy tashkilotlar taqdirlanadi. 

Bu e’tirof biz uchun alohida ahamiyatga ega. Tadbirkorlarni qo‘llab-quvvatlash va ularning o‘sishi uchun qulay vositalarni yaratish doimo bankning ustuvor vazifalaridan biri bo‘lib kelgan. Biz O‘zbekistondagi biznes uchun ishonchli hamkor bo‘lib qolishni va xalqaro standartlarga mos zamonaviy yechimlarni rivojlantirishni davom ettiramiz.