O‘zbekiston Respublikasi Markaziy banki tomonidan muvofiqlashtirilgan «Global Money Week 2022» global ta'lim kompaniyasi doirasida «Ipak Yo‘li» AITB tomonidan Respublikamiz hududlarida navbatdagi o‘quv tadbirlari o‘tkazildi. “O‘z kelajagingizni quring, pulga oqilona munosabatda bo‘ling” shiori ostida Andijon va Qashqadaryo viloyatlarida o‘quv tadbirlari bo‘lib o‘tdi.

Shuningdek, Bank mutaxassislari tomonidan Qashqadaryo viloyati maktablarida turli fan pedagoglari uchun moliyaviy savodxonlikni oshirish mavzusida ochiq darslar tashkil etildi. Maktab o‘quvchilari ishtirokidagi ochiq darslar samarali tarzda hamda ko‘tarinki ruhda o‘tkazildi. O‘tkazilgan ochiq darslar davomida bolalar moliyaviy savodxonlikni o‘rganishga qiziqish va ishtiyoq bilan yondashishdi. Eng yaxshi ochiq darslar quyidagi maktab pedagoglari tomonidan o‘tkazildi: 

1-maktab:

Hamraeva Shahnoza

To‘raqulova Gulnoza

Toshtemirova Nigora

23-maktab:

Djeparova Nargiza

11-maktab:

Abdimajidova Dilobar 

Xonkeldieva Gulandon 

Pedagoglar ham, o‘quvchilar ham mukofot va esdalik sovg‘alar bilan taqdirlandi. Biz yoshlarimiz moliyaviy savodxonligini oshirishga hissa qo‘shayotganimizdan mamnunmiz, chunki bizning farzandlarimiz– bizning kelajagimizdir!