Iqtisodiy hamkorlik va taraqqiyot tashkiloti (IHTT) tomonidan va Respublika Markaziy Banki tashkilotchiligida “O‘qi. Jamg‘ar. Ishlab top” shiori ostida o‘tayotgan «Global Money Week» bujunjahon haftaligi doirasida “Ipak Yo‘li” AITB Qashqadaryo viloyati maktab o‘quvchilari o‘rtasida moliyaviy savodxonlikni oshirish bo‘yicha tadbir tashkil etdi.

“Ipak Yo‘li” AITB ikkinchi yildirki, global tadbirlarda ishtirok etib kelmoqda va O‘zbekistondagi yosh avlod orasida moliyaviy savodxonlikni oshirishga hissa qo‘shmoqda. 

“GMW-2021”ni ishlab chiqish uchun tadbir doirasida beshta maktab tasdiqlandi, ularning o‘quvchilari “Global Money Week-2021”da qatnashishdi.

O‘quvchilar o‘zlarining ta’lim muassasalari o‘qituvchilari tomonidan o‘tkazilgan ochiq darslarda moliyaviy savodxonlik bo‘yicha nazariy bilim va amaliy ko‘nikmalarni oldilar.

Haftalikning o‘quv tadbirlari orqali o‘quvchilarga quyidagi muhim narsalar haqida ma’lumot berildi:

- qisqa vaqt ichida moliyaviy rejalashtirish va daromad va xarajatlarni hisobga olish kerakligi;

- moliyaviy xavfsizlikning asosiy qoidalari va favqulodda holatlarda kim bilan bog‘lanish haqida;

- va eng muhimi, hamma narsa sotib olish imkonsiz. Asosiy qadriyatlar – hayot, ishonch, yaqinlar quvonchini pulga sotib olib bo‘lmaydi.

O‘tkazilgan ochiq darslar orasidan eng yaxshilari “Ipak Yo‘li” AITB tomonidan esdalik sovg‘alari va mukofotlar bilan taqdirlandi.

Mukofotlanganlar:

Qarshi shahridagi 23-sonli o‘rta maktabning Matematika fani o‘qituvchisi Jeparova N.Sh. Mavzu: "Oddiy va murakkab foizlar", 8-"D" sinf.

Qashqadaryo viloyati Chiroqchin tumani 6-sonli IDUM matematika fani o‘qituvchisi Aliqulov M.Z. Mavzu: “Oddiy va murakkab foizlar”. 8-"B" sinf.

Qashqadaryo viloyati Qamashi tumani 3-sonli o‘rta maktabning iqtisodiyot fani o‘qituvchisi Mustafoeva Sh.A. “Tadbirkorlar uchun kreditlar” mavzusi. 9-"B" sinf.

Taqdirlash marosimi “Ipak yo‘li” AITB (Qashqadaryo viloyati) Qarshi filialida bo‘lib o‘tdi. Bolalar uchun bank bo‘ylab ekskursiya uyushtirildi. Bank mutaxassislari yosh avlodga kreditlar, omonatlar nima ekanligini va bankning mobil ilovasidan qanday foydalanishni tushuntirishdi, chunki moliyaviy savodxonlik nafaqat qiziq, balki juda foydali!

“GMW-2021”da ishtirok etish yoshlarning hayotiga, moliyaviy savodxonlik darajasiga ijobiy ta’sir ko‘rsatadi, shuningdek, kelgusida ularning daromadlari o‘sishi, tadbirkorlik g‘oyalarining paydo bo‘lishiga hamda ularning imkoniyatlari kengayishiga yordam beradi!