Faktoring - bu kompaniyalar uchun barqaror pul olish va to‘lovlar haqida tashvishlanmaslik uchun oson va qulay usul, ayniqsa kichik va o‘rta biznesda. Mijozlarning to‘lovni amalga oshirishini kutish o‘rniga kompaniya bankka murojaat qilishi mumkin, u ta’minotchining debitorlik qarzining zarur qismini to‘laydi, xaridor esa Bankka qarzini belgilangan muddatlarda to‘laydi. Bu pul oqimini yaxshilashga va mablag‘ yetishmovchiligi bilan bog‘liq muammolarning oldini olishga yordam beradi.

Faktoring qanday ishlaydi

Biznes bankka ariza yuboradi va o‘z mijozlarining faoliyati haqida ma’lumot beradi. Bank kreditga layoqatlilikni tekshiradi va debitorlik qarzlarni baholaydi. Agar ariza ma’qullangan bo‘lsa, tomonlar shartnoma tuzadilar, shundan so‘ng bank mablag‘larni o‘tkazadi. Keyinchalik bank kompaniya xaridorlaridan to‘lovlarni yig‘ish majburiyatini oladi.

Bu kimga foydali

Faktoring biznes o‘z mijozlaridan to‘lovlarni uzoq kutishni xohlamaganda, shuningdek, kompaniya faoliyati to‘lovlarning uzoq muddat kechikishini yoki mijozlardan katta miqdordagi debitorlik qarzlarini nazarda tutganda foydali bo‘ladi.

U pul bilan bog‘liq muammolarning (kassa uzilishidan) oldini olishga yordam beradi va mablag‘larning o‘z vaqtida kelishini bilgan holda ishonch bilan ishlash imkonini beradi. Axir ariza ma’qullangan taqdirda, biznes deyarli darhol pul oladi va to‘lovlar haqida qayg‘urmaydi. Bu mablag‘ olish jarayonini tezlashtiradi va eng muhimi - pulning tezroq aylanishi tufayli kompaniyaning o‘sishini tezlashtiradi.

Kredit bor bo‘lsa-chi?

Boshqa kreditlarning mavjudligi faktoring olishga to‘sqinlik qilmaydi, ammo bank kompaniyaning umumiy qarz yukini hisobga oladi. Bu debitorlik qarzi summasining 70-90% tashkil etishi mumkin bo‘lgan moliyalashtirish summasini aniqlashga yordam beradi.

Rasmiylashtirish yoki rasmiylashtirmaslik

Faktoring so‘nggi paytlarda tobora ommalashib bormoqda. U bizneslarga to‘lovlarni kechiktirish, kutish, hujjatlar bilan ishlash va to‘lanmagan hisoblar bo‘yicha nizolarga resurslarni sarflamasdan, osonroq va tezroq rivojlanishga yordam beradi. Ushbu mahsulot so‘nggi vaqtlarda biznes jarayonlariga faol va ishonchli tarzda kirib bormoqda. Bu, ayniqsa, kichik va o‘rta biznes vakillari uchun foydali. Shuning uchun, agar sizda mijozlar tomonidan katta hajmdagi qarzlar yoki uzoq muddatli bitim sikli bo‘lsa, faktoringni yaxshi moliyaviy vosita sifatida ko‘rib chiqishni taklif qilamiz.

Moliyalashtirishning asosiy shartlari

Mijozning bankimiz filiallarida hisob raqami mavjudligi;

Debitorlik qarzdorlikni tasdiqlovchi shartnomalarning mavjudligi;

Faktoring summasi: 50 million so‘mdan boshlab;

Faktoring muddati: 180 kungacha;

Diskontlash/ustama stavkasi: mijoz bilan kelishilgan holda;

Muddati o‘tgan qarzlarning yo‘qligi.