Keshbek — bu xaridlaringiz uchun pulning bir qismini qaytarib olish imkoniyati. Siz karta orqali to‘lov qilasiz, bank esa sarflangan summaning ma'lum qismini kartangizga qaytaradi.

Oddiy qilib aytganda, odatdagi xaridlaringizni amalga oshirasiz va buning uchun qo‘shimcha foyda olasiz.

So‘mdagi Visa kartalari egalari har qanday xarid uchun 0,5% keshbek oladilar.

Agar bir oy davomida kartangiz bo‘yicha xarajatlaringiz 500 000 so‘mdan oshsa, siz yana bir bonusga ega bo‘lasiz — jamoat transportidagi kuniga ikki marta yo‘l haqi uchun 50% keshbek.

Masalan, iyun oyida Visa Start Sum kartangiz orqali 500 000 so‘mdan ortiq xarid qilsangiz, iyul oyidan boshlab yo‘l haqi uchun keshbek ola boshlaysiz.

Keshbek to‘lov amalga oshirilgandan so‘ng darhol hisoblanmaydi. Avval operatsiya tekshiruv bosqichidan o‘tadi: bank kartada yetarli mablag‘ bo‘lganini, to‘lov muvaffaqiyatli amalga oshirilganini va operatsiya bekor qilinmaganini tasdiqlaydi.

To‘lov tasdiqlangach, keshbek avtomatik ravishda hisoblanadi. Odatda bu jarayon 3–5 kun davom etadi. Agar to‘lov muvaffaqiyatli amalga oshirilgan bo‘lsa, keshbek albatta hisobingizga tushadi