O'zbekiston hududlarida ekologiya darslari
"Green Generation" loyihasining asosiy yo‘nalishlaridan biri O‘zbekistonning turli hududlarida maktab o‘quvchilari uchun ekologik darslar seriyasi bo‘ldi. Tashabbus bolalarni atrof-muhitga ehtiyotkorona munosabatda bo‘lish tamoyillari bilan tushunarli va qiziqarli tarzda tanishtirish hamda ekologik mas’uliyat har bir insonning kundalik xatti-harakatlaridan boshlanishini ko‘rsatishga qaratilgan edi.
Loyiha doirasida Qarshi, Buxoro viloyati va Toshkent shahridagi maktablarda ekologik darslar o‘tkazildi. Mashg‘ulotlar eko-bloger va Batareyka.uz loyihasi asoschisi Feruzbek Sayfullayev ishtirokida interaktiv formatda o‘tkazildi.
Maktab o‘quvchilarini ta’lim jarayoniga jalb etishga alohida e’tibor qaratildi. An’anaviy ma’ruza o‘rniga mashg‘ulotlar amaliy topshiriqlar, ochiq muhokamalar va harakatli o‘yinlarni o‘z ichiga oldi, bu esa bolalarga ekologik odatlar va tabiatga g‘amxo‘rlikning ahamiyatini yaxshiroq tushunishga yordam berdi. Bir qator maktablarda o‘quvchilar ekologiya va atrof-muhitga bo‘lgan shaxsiy qarashlariga bag‘ishlangan o‘z rasmlarini ham taqdim etdilar.
Umuman olganda, tashabbus doirasida 15 ta sinfda ekologik darslar o‘tkazilib, 410 nafar o‘quvchi qamrab olindi. Qarshi shahrida 174 nafar, Buxoro viloyatida ham 174 nafar, Toshkent shahrida 62 nafar o‘quvchi uchun mashg‘ulotlar tashkil etildi
"Green Generation" loyihasi yosh avlodda atrof-muhitga ongli munosabatni shakllantirishni davom ettirmoqda, ekologik ta’limni jonli, tushunarli va amaliyotga yo‘naltirilgan jarayonga aylantirmoqda.
